Dunya Ka Bara Jasood Scandals

دنیا کے بڑے جاسوس سکینڈلز
مادھوری گپتا سے کلبھوشن یادوو تک
بھارتی جاسوس کلبھوشن یادو اور دنیا بھر کے جاسوسوں کے انٹیلی جنس آپریشنز

کتاب سے اقتباسات

یہ پاکستان کی انٹیلی جنس کی تاریخ کا ایک مشکل ترین آپریشن تھا کیونکہ کلبھوشن عام جاسوس نہیں تھا۔یہ پاکستان کے خلاف تمام بھارتی آپریشنز کا سربراہ تھا۔یہ ’’فیلڈ آپریٹر‘‘ تھا اور دنیا میں آج تک کوئی ملک کسی دوسرے ملک کے اتنے بڑے انٹیلی جنس آفیسر کو نہیں پکڑ سکا لیکن آئی ایس آئی نے یہ تاریخ بدل دی ۔
آئی ایس آئی نے ایک منصوبہ بنایا اور اپنے لوگوں کوکلبھوشن کے نیٹ ورک میں داخل کیا گیا۔ یہ لوگ بلوچ علیحدگی پسندوں میں بھی داخل ہو گئے اور کراچی کی بد امنی کے ذمہ داروں میں بھی گھل مل گئے۔اس طرح پاکستانی انٹیلی جنس نےکلبھوشن کے مد مقابل ایک نیٹ ورک تشکیل دے دیا۔اس نیٹ ورک کے باوجود آئی ایس آئی کوکلبھوشن یادیوکو پاکستان لانے میں ڈیڑھ سال لگ گیا۔
آئی ایس آئی کے لوگ بلوچ علیحدگی پسندوں میں اپنی جگہ بنانے کے بعد آہستہ آہستہ حسین مبارک سے براہ راست رابطے میں آئے اور آخر میں ان لوگوں نے اسے پاکستان کی ایک انتہائی اہم شخصیت کے اغواء اور قتل کا ایک ’’فول پروف‘‘ منصوبہ پیش کیا۔یہ منصوبہ اگر کامیاب ہو جاتا تو پاکستان کی عالمی سطح پر بے حد بدنامی ہو تی تھی۔اس منصوبے کو تکمیل تک پہنچانے کے لیےکلبھوشن خود بھی ایکٹو ہو گیا۔اس منصوبے نے دراصلکلبھوشن یادیو عرف حسین مبارک پٹیل کو پاکستان آنے پر مجبور کر دیا۔ 3 مارچ 2016 ء کوکلبھوشن یادیو نے ایران سرحد کراس کی اور پاکستان آ گیا۔یہ بلوچستان کے ضلع خاران کی تحصیل ماشکیل آیا اور یہیں اسے گرفتار کرنے کا فیصلہ کیا گیا۔
کلبھوشن کوئی عام جاسوس نہیں تھا کہ اتنی آسانی سے ہاتھ آجاتا ۔ گرفتاری کے بعد اس نے ہاتھ ہائوں مارے اور فرار ہونے کے علاوہ اپنی گرفتاری کوغلط فہمی قرار دے کر نکلنے کی کوشش کی لیکن اسے پکڑنے والے عام لوگ نہیں تھے بلکہ پورے آپریشن کےپیش منظر اور پس منظر سے آگاہ تھے۔اس لئےکلبھوشن کی ایک نہ چلی اور اسے آئی ایس آئی کے ایک خفیہ سیل میں منتقل کر دیا گیا۔لبھوشن کے پاس گرفتاری کے بعد دو آپشن تھے ۔یہ حسین مبارک پٹیل کی شناخت پر ڈٹا رہتا۔ٹارچر سہتا اور اس دوران دنیا سے گزر جاتا یا پھر یہ خود کو فوج کا حاضر سروس آفیسر ڈکلیئر کرکے قانون کے مطابق مراعات حاصل کرتا۔کلبھوشن سمجھ دار تھا، اس لئے اس نے ایسا ہی کیا۔اس نے اپنی شناخت ظاہر کر دی اور تفتیش کاروں سے تعاون کر نے لگا۔ یوں پاکستان نے اسے جنگی مجرم کا سٹیٹس اور حاضر سروس آفیسر کی تمام مراعات دے دیں۔
مزید تفصیل ان کتابوں میں پڑھیں۔
………..
اسلام آباد کے سفارتی حلقے اور بھارتی انٹیلی جنس اس وقت حیران و پریشان رہ گئی جب انہیں پتہ چلا کہ آئی ایس آئی بھارتی ہا ئی کمیشن میں سرایت کر گئی ہے۔اسلام آباد میں تعنینات بھارتی خاتون سفارت کار مادھوری نے را نا کو یہ بتا کر غلطی کیوں کی کہ اسلام آباد کے بھارتی سفارت خانے میں تعینات اس کے باس آر کے شرما کا تعلق پریس ڈویثرن سے نہیں بلکہ وہ اسلام آباد میں بھارتی انٹیلی جنس ’’ را‘‘ کا اسٹیشن چیف ہے۔یہ بہت بڑی خبر تھی اور پھر یہیں سے کھیل شروع ہوا۔ یہ کھیل کیا تھا اور کیسے ختم ہوا ؟ یہ آپ کتاب میں پڑھیں لیکن اس دوران مادھوری گپتا کو ٹریپ کر کے دہلی بلایا گیا اور پاکستانی انٹیلی جنس کو حساس دستاویزات دینے کے جرم میں گرفتار کر لیا گیا ۔
یہ دو ملکوں کی انٹیلی جنس ایجنسیوں کی جنگ کی بڑی دلچسپ کہانی ہے۔