Arth Shaster

ارتھ شاستر
دنیا کی شہرہ آفاق کتاب کا مکمل متن پہلی بار منظر عام پر
پاکستان میں سیاست پہ قابض اشرافیہ اول روز سے چانکیہ کے سیاسی اصولوں اور طریقہ کار پہ چالاکی سے عمل کررہی ہے۔ ہماری عوام جنہیں دیوتا کا اوتار سمجھ کے پوجا کرتی ہے وہ انہیں بے وقوف بنانے اور اپنے اقتدار کو طول دینے کے لیے کون کون سے طریقے اختیار کرتے ہیں۔ یہ جاننے کے لیے چانکیہ کی” ارتھ شاستر“ پڑھنا نہایت ضروری ہے۔
ارتھ شاستر کا شمار دنیا کی بہترین کتابوں میں ہوتا ہے۔ اس کتاب کا موضوع حکمرانی کرنے کی حکمتِ عملی ہے۔ارتھ شاستر کا ترجمعہ دنیا کی تمام زبانوں میں ہوچکا ہے اور دنیا بھر میں اس کی کروڑوں کاپیاں فروخت ہوچکی ہیں ۔ اس کتاب کو آج بھی یورپ اور امریکہ سمیت دنیا بھر میں انتہائی سنجیدگی سے پڑھاجاتاہے۔ ارتھ شاستر ان تمام حکمت عملیوں کا احاطہ کیے ہوئے ہے جو حکمرانی کے لیے ضروری ہیں ۔
ارتھ شاستر300ق م سے 311 ق م کے دوران تصنیف ہوئی۔دنیا کا یہ عظیم مدبر ، مفکر، سیاست دان اور ہندوستانی ارسطو کہلایاجانے والا چانکیہ ہندوستان کی موریا سلطنت کے بانی چندر گپت موریا کا اتالیق اور وزیر اعظم تھا۔چانکیہ نے اس کتاب میں سزا اور جزا کی حد مقرر کر دی ، اس طرح ارتھ شاستر ریاست کا آئین بن گیا۔ تاہم اس کتاب کا اصل موضوع حکمرانی کرنے کے ’’گُر‘‘ہیں ۔ اس لئے یہ کتاب دنیا بھر میں بڑے ذوق و شوق سے پڑھی جاتی ہے۔