From Sex to Superconciousness

شہوانیت سے الوہیت تک
اوشو کی تعلیمات سے اختلاف کیا جا سکتا ہے، لیکن اس سے پہلے یہ امر مدِ نظر رکھنا پڑے گا کہ وہ ایک ایسا عالم بھی ہےجس کو علوم شرقیہ و غربیہ پر کافی حد تک دسترس ہے۔ وہ اپنے افکار کی تائید میں اس نوعیت کی منطقی دلیلیں اور شواہد پیش کرتا ہے، جن سے یکسر انکار عقلی تقاضوں سے بعید ہے۔
اوشو چاہتا ہے کہ جنس کے حوالہ سے ناروا معاشرتی اور اخلاقی دباؤ ختم ہو تا کہ اسے ایک بے ساختہ فطری تخلیقی قوت کی حیثیت سے تسلیم کروایا جا سکے۔ اس حوالہ سے اسے یقین ہے کہ جنسی روئیوں کو درپیش سماجی گھٹن آخر کار ختم ہو گی اور تب اس قوت کو مثبت انداز میں بروئے کار لا کر تعمیرِ ذات کی منزل تک انسان کی رسائی ممکن ہو سکے گی۔